Pageviews all the time

IBYAHISHUWE. JENERALI, umwicanyi wa DMI uba muri Mozambique aravuga ibigwi by'akazi akora/ Nkusi Yozefu


                                    
                             Uyu mwicanyi Vitali wiyita Jenerali avuga aya magambo 
yari mu kiriyo ninjoro ku musaza witwa  Bosco NTAGANDA wari wagize
 ibyago: umugore we yari yitabye Imana. Uyu musaza muramwumva muri iyi videwo                                    
Mu kwezi gushize kwa Mata 2016, impunzi z'abahutu ziba muri Zambia zarasahuwe, zihohoterwa n'abaturage ba Zambia ndetse zimwe ziricwa. Shikama yakoze iperereza ibereka ko ubu bugizi bwa nabi bwateguriwe mu Rugwiro kwa Kagame Pawulo bushyirwa mu bikorwa na za Ambasade z'Agatsiko ziri muri Kenya, Tanzania na Zambia, iyo nyandiko murayisanga hano.

Shikama ntabwo yahagarariye aho kuko byabaye ngombwa ko dushaka umunyamakuru wihariye wacu ukorera muri kariya karere k'Afurika y'Amajyepfo kugirango akurikirane umunsi ku wundi ubu bugizi bwa nabi bukomeje gukorwa n'Agatsiko. Ni muri urwo rwego, uyu munsi tugiye kubagezaho amajwi y'umwimerere y'umwe  mu bicanyi b'Agatsiko witwa JENERALI uba muri Mozambique aho yigize Impunzi atariyo, wigamba ubwicanyi n'ubundi bugome bakorera Abanyarwanda baba muri Mozambique.


Uyu Mwicanyi ntatinya kuvuga ko umuntu uzamagana ubunywamaraso bwa Pawulo Kagame azamwicana n'umuryango we wose ndetse n'impinja zirimo!Ikindi nubwo yiyita impunzi, nkuko muza kubyiyumvira arabaza abo bavugana icyo bahunze mu Rwanda akabumvisha ko bari mu makosa! Iki ni ikibereka ko ibyagiye bivugwa n'imbuga nyinshi ko hari abiyita impunzi atari zo ari benshi kandi ko ari abakozi ba DMI bakaba aribo bafatanya nayo kubuza amahoro impunzi aho zahungiye Agatziko; nkuko twabibabwiye mu nyandiko yacu twavuze hejuru aha, aba nibo bagambaniye impunzi muri Zambia ndetse na Jenerali ubwe araza gusa n'aho abyivugira ko ubuzima bw'impunzi buri mu biganza byabo.


Uyu mwicanyi ntakora wenyine kuko afatanya  n'umugore we nkuko muza kubyiyumvira akaba afite n'abandi bakorana tuzabagezaho amazina yabo mu gihe kiri imbere n'umwirondoro nyawo w'uyu wiyita jenerali. Twanze kugira icyo dutangaza ku mazana bakoresha kuko bava i Kigali bayahinduye, ariko mu gihe kitarambiranye Shikama irabashyira hanze mu mazina yabo bahawe n'ababyeyi atari aya DMI.


Uyu mugabo wiyita JENERALI akaba azwi muri iryo zina aho aba muri Mozambique aremeza ko agendana imbunda n'amasasu menshi byo kwca abanyarwanda igihe abishakiye, akemeza ko yinjira mu mazu y'abanyarwanda akayasaka badahari, akanemeza ko agendana mu modoka ye amafranga 200,000 yo muri Mozambique yo guha ruswa polisi iramutse ije kumufata!Aremeza kandi ko bagomba gukora ibyo bashaka muri Mozambique bakabuza epfo na ruguru uwo bashaka kuko ngo bafite umwavoka uburanira perezida wa Repubulika(ndlr: Pawulo Kagame) nta wamutsinda!










Mu gihe mu Rwanda Agatsiko kirirwa karirimba ko ngo nta moko aba mu Rwanda, muriyumvira urwo Abahutu bapfuye aho yita ababa hanze bose IMPOHO!; ibi bikaba biri muri gahunda ya Leta y' Agatsiko.Ikindi tukiri kuri aya moko, aremeza ko Abahutu baba hanze ari Interahamwe ! Uyu mwicanyi aremeza ko ku munsi yavugaga aya magambo mu muryango yari yagiyemo mu kiriyo, hari umuntu yari yafatishije ku kibuga cy'indege cya Maputo; uyu mugambi akaba yari awufatanyije na Leta y'U Rwanda na polisi mpuzamahanga(Interpol); ariyemera muri ubu bugambanyi muri aya magambo:
" Ntabwo tugomba gutinya, tugomba gukora igishaka kikaba!"; uyu mwicanyi kandi aravuga ko hari ubundi bugabo butatu(imvugo ya nyiri ubwite) bagomba gucakira muri Mozambique.








Shikama irasaba impunzi ziri muri Afrika y'amajyepfo, Congo Brazzaville n'Afrika y'iburengerazuba kuryamira amajanja, abagambanyi bose mukabatahura kare mukabashyikiriza ubutegetsi bubegereye kandi mukanabatangaza mu itangazamakuru haba hano muri Shikama cyangwa ahandi. Iyi niyo nzira yonyine musigaranye yo kurinda umutekano wanyu cyane cyane ubu ukwezi k'Ukuboza 2016 kuri hafi, aho Agatsiko kigamba ko nta munyarwanda uzaba akitwa impunzi, ihohoterwa rero rikazashobora guhabwa intebe n'insobanuro! Imeli yacu ni mahoriwacu@gmail.com

Jenerali aremeza ko azakomeza guhemukira impunzi, kandi ngo aho Leta y'Agatsiko izahungira ngo niho nawe azahungira. Muri Shikama turamuburira kimwe n'abandi bakorana nawe bari hirya no hino ku isi cyane cyane Abahutu bariho bagambanira impunzi bene wabo muri Zambia tuzabagezaho vuba aha: ntaho muzahungira kuko n'Agatsiko mukorera ntaho kazahungira; kimwe nako, muzaba mushakishwa n'Abahutu, Abatutsi, Abatwa n'ikiremwa-muntu cyose, isi izababana ntoya cyane!


Dr NKUSI Joseph.
University Lecturer & Reseacher
Journalist
  • PhD in Social Sciences majoring in Social planing &Development, El Fateh University, LIBYA
  • MPhil in Medecine , majoring in Health Economics, Policy & Management, Oslo University, NORWAY
  • Tree Certificates in Journalism/ School of Journalism, Michigan State University, USA ( see the link )

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355