Pageviews all the time

Duhe agaciro abanyarwanda bicwa buri munsi na FPR dutabariza n'abasigaye



Inkota ya FPR ihora ifite inyota nka RUHUGA ya Kanjogera!
"Dushake ahantu twibukiranye dutangire kwandika abo twibuka banyerejwe barashwe bashimutwa bagata kuri Rweru ku buryo n'abanyarwanda bose babimenya ubuze uwe mu buryo budasobanutse akabwira shikama ikamushyira ku rutonde rw'abarigishijwe cg bishwe na rupfu fpr kuberako tuzageraho tubone ari ibisanzwe ariko nitugenda dukurikirana iyi mibare bizageraho bijya mu nkiko ndakurahiye nonese ubu kuva muri 2010-2016 hari uwambwira abamaze kwirenzwa na rupfu (fpr )uko bangana?"Makoki Mugisha

Kuva Leta Zunze Ubumwe z'Amerika(USA), Ubwongereza, Ubudage na Israel bifashe umugambi wo kwigarurira umutungo wa RDCongo bikoresheje abanyarwanda, bahaye agatsiko k'abanyarwanda ububasha n'uburengenzira bwo kwica uwo gashaka, igihe gashakiye n'aho  kifuza kwicira hose ; ibi byatangiye kuva muri 1990 bikaba bigikomeje. Abanyarwanda b'umutima barasakuje batabaza, bamwe baricwa abandi barabifungirwa mu bihugu binyuranye. Nyamara guceceka ni ugukomeza gutiza umurindi ibi binywamaraso bidashobora kuryama bitagotomeye amaraso y'abantu! Umuvandimwe wacu Makoki Mugisha yagejeje igitekerezo kuri Shikama musanga hejuru aha kivuga impamvu tugomba guhaguruka tugahagarara tugatabaza kugeza igihe ijwi ryacu rizumvikanira : Ahasigaye rero ni ukwibaza tuti: "Ni gute byakorwa"? 

Inkota ya FPR ihora ifite inyota nka RUHUGA ya Kanjogera!


Hari abaturage ba Beni-Lubero muri Kivu y'Amajyaruguru(RDCongo) bigabijwe n'Inkotanyi kuva muri 2007 zibica urubozo; bashinze urubuga musanga aha BENI-LUBERO bagenda bashyiraho amafoto y'abicwa n'imyirondoro yabo, ibi bikaba byaratumye amahanga amenya ikibazo cy'aba bantu nubwo MONUSCO itakiboneye umuti burundu, ariko si nka mbere kuko abicanyi ubu bagenda bikandagira!

None se twe tubikore gute?

  1. Dushake urubuga rwometse kuri Shikama turuharire iki gikorwa?
  2. Dufungure peji kuri Shikama irebana n'iki gikorwa?
  3. Dukoreshe email : mahoriwacu@gmail.com tuzajya twoherezaho amakuru ajyanye n'iki gikorwa, maze Shikama ikomeze itunganye urutonde rw'abicwa?
  4. Indi nzira yawe utekereza = yishyire muri komanteri.
Urubuga ni urwanyu.

Dg Nkusi Yozefu
www.shikamye.blogspot.com
Ntawe uzaguha demukarasi ku isahani, ugomba kuyiharanira
 mahoriwacu@gmail.com






28 comments:

  1. Tanga igitekerezo cyawe cy'ukuntu twakurikirana abicwa na RPF dutabariza nabasigaye.Urakoze

    ReplyDelete
  2. Ubu nibwo buryo bushoboka kandi buzatanga umusaruro. Abo banyamerika n'abongereza bazafunge amaso ku magana yicwa adaciriwe urwo gupfa akicwa nk'isazi ifatiwe ku gisebe noneho tuzamenya akamenyetso kari kuwo bamagana ko yishe abantu n'utagafite ahobitandukaniye.


    Uti byakorwa bite? Nta kundi ni uku byatangiye. Uko bigomba gukorwa hagomba kwifashishwa imbonerahamwe ifite ibi bikurikira ITARIKI,AMAZINA ,AHO YAGUYE cg YABURIYE, noneho niba yaragiye gutotezwa hagateganyw akandi kumba kanditsemo igihe yongeye kubonekera ari muzima. Niba kandi atoraguwe yarapfuye iyo tariki ivugwa ko yongeye kuboneka hakandikwa ko yabonetse yapfuye ariko bikajya mu busobanuro burambuye kuvuga opinion, observation ,suggestions n'ibindi nka byo. Icyo gihe abanyarwanda bazatangira bo ubwabo kujya bafata iyambere mu kwitangira amakuru noneho shikama nayo izajye ikora amatohoza kuri izo nkuru zitavuzwe n'ibindi binyamakuru ko ari impamo.

    ReplyDelete
  3. Turabona mwashizeho kuva 2010 kugeza 2016 mwiyibagije abarigishijwe inkotanyi zikimara gufata ubutegetsi iyo za Ruhengeri na za Gisenyi usanga hari abapfakazi benshi!!!!!!!!!

    ReplyDelete
  4. @ Nkusi & Makoki, nkuko Rurihabi abivuga ndumva byaba byiza mushizeho itarike ntarengwa tugomba guheraho. Niba twahera kuri 1990 cyangwa nyuma yaho simbizi. Icyakora kugirango abazabisoma babitandukanye na genocide yabatutsi, ndumva twahera igihe FPR yafatiye ubutetsi.

    Genoside yabatusi yararangiye, kandi mubyukuri yakozwe na FPR ninterahamwe. Dutegereje igihe ubutabera bwukuri hagati ya FPR ninterahamwe buzabera, ngo buburanishwe bose kimwe tumenye umwicanyi numwere. Iyi genocide yabahutu inkotanyi zayikoze mbere yuko zifata ubutegetsi, kugeza nanubu zikiyikora. Byababyiza dutangiye kwandika amazina yokuva igihe zafatiye ubutegetsi kugeza ubu. Ndetse Title yinyandiko yaba Amazina Yabanyarwanda Bishwe Nyuma yuko FPR Ifata Ubutegetsi.

    ReplyDelete
  5. Reka ntimugire ihame uriya mwaka kuko ni nk'urugero rwatangwaga hibazwa nibura ibihumbi bimaze kwicwa na fpr turebera tukumva ni ibisanzwe tukazashiduka abantu barashize. Naho jye numvaga ibi byatangirana na babantu bagiye bamenyekana mu bitangazamakuru urugero ba Sendashonga kuko abo bose bishwe fpr ifashe igihugu, kandi ikindi tugomba kwibuka n'uko ubu bwaba uburyo bwo kwereka isi agahinda abanyarwanda babayemo kuberako umufatanyacyaha wa rpf USA n'abandi batigeze baha agaciro abishwe na rpf kuva yatangira ubwicanyi kugeza magingo aya. Nimuze twibukiranye abacu batarazimangana mu bwonko bwacu. Kandi nabo babaye aboikubitiro nta mpamvu yatuma badashyirwa ku rutonde kuko ni abaci hanyuma ngo murebe ko ya gahinda y'akayiko ko kudaha ingunguru tutayikubita inshuro na beneyo. Waba wibuka bangahe? Naba nibuka bangahe?

    ReplyDelete
  6. Mukomeze mutange ibitekerezo.
    Murakoze.

    ReplyDelete
  7. Ariko abantu bigiza nkana FPR yamye yica abantu abayizanye mu rugwiro bayihetse ngo ni abacada, ngabo ba twagiramungu ngo bararwanya habyarimana iyi ndahiro ntabwo bari bayizi. aho bagira bati NDAMUTSE MPEMUTSE!!!NZACIBWE IGIHANGA NKUMUGOME WESE!!Ubu ngo bateye imbere bavuga ngo nzahanwe nkumugome wese. nyamara bamwe mu bicwa babirahiranye umutima mwiza ndetse bafite nubugome bukabije, none se ko ariryo sezerano kuki kagame abica bakabogoza, iyo bo bica inzirakarengane zitanabirahiriye bumva ari umunyenga, ariko byagera aho HE ashyira mu bikorwa itegeko bikaba ikibazo.kugeza nubu hari abibeshya kagame ariwe wica reka ararengana ashyira mu bikorwa inshingano za FPR niba udashaka gupfa nkabagome bose, haguruka urwanye fpr nibiyishamikiyeho byose. kagame afite ubushobozi bungana iki bwo kumenya abaturage bose nibyo bakora ngo bicwe.

    ReplyDelete
  8. Iki gitekerezo cyo gukora imbonerahamwe y'abacu bishwe na FPR ni cyiza cyane. Njye nabonaga ahubwo twahera muri 1990, kuva batangiza intambara, kuko abapfuye bose bari bakeneye kubaho. Abo urukiko rwa Arusha rwaciriye imanza ku ruhande rumwe kandi inyinshi bamwe barengana, n'abambari ba FPR bagomba kuzaryoza ibikorwa byabo. Dutangire kohereza amazina y'abacu n'aho bagiye bicirwa.

    ReplyDelete
  9. Gitera ni ikibazo gikomeye nawe aribizi we ubwe. Igikomeye kurushaho ni IKIBIMUTERA. Niwe mugome mukuru. Sinzi kabisa

    ReplyDelete
  10. Umuhozi utabera abagome azabaryanisha nwese mwirebera

    ReplyDelete
  11. Reka nshimire Mwe mwese mwwitangiye demokarasi kugirango ikinyoma cya FPR kijye ahagaragara. Iki gitekerezo ni inyamibwa . Niba koko ibi bidakozwe mu rwego rwo kubika amakuru hazabura ibimenyetso bihagije byo kugeza FPR mu nkiko kugirango iryozwe ubugoma yakoreye abanyarwanda ndetse n'abaturage b'isi yose. FPR ijya kuva mu Bugande yongewemo ubumenyi na USA, ISRAEL, UK.... ubumenyi bwo kwica abantu benshi mu gihe gito hakoreshejwe umugome ndengakamere ndetse no gusibangana ibimenyetso.Yabikira yica abantu ikajya kubahamba mu byobo rusanga imaze kubatwika urugero ni ibyobo biri muri park national y'akagera.FPR izatungurwa ubwo ukuri kazajya ahagaragara igasumirwa/ikamagamwa n'imfubyi, abapfakazi yagize uko babayeho ubu.

    ReplyDelete
  12. Muraho basomyi,ndabanza nshimira abatanze ibtecyerezo bose kuba batanze umusanzu w'ibitecyerezo byabo. Jyewe ndatanga igitecyerezo cy'uko byakorwa kuko abapfa bo n'ubu baracyapfa ndetse ntibazarekera gupfa Kagame akiri ku butegetsi kuko abahanuzi benshi barabivuze. Ndatecyereza hakorwa pagi iriho impamvu y'ayo mateka ndetse bakanayobora abashaka gutanga amakuru aho yanyuzwa. Kuri iyo pagi hakaba ariho hashamakira site ya interineti iriho ayo mateka ndetse agashyirwa mu byiciro ku buryo wajya ukanda ku muntu mu mbonerahamwe yumvikanyweho hanyuma hakaza amateka ye n'uko yapfuye bibaye byarabonetse. Ndatecyereza bitagarukira aho ndetse hakandikwa n'abarusimbutse ndetse n'abafunze bazira politique cg ubusa. Murakoze

    ReplyDelete
  13. Mwiriweho ,
    Nkomeje gushimira abatanze igitekerezo. Nkomeje gusaba ariko ko abatanga ibitekerezo basubiza iki kibazo:¨
    IRAKORWA GUTE?? Ni ukuvuga turahera ryari?: Ibi by'umwaka nasanze bigoye cyane kuko twagwa mu mutego wa FPR. Duhereye muri 1990 hari amakuru menshi abari hanze badafite afitwe n'abari mu gihugu imbere kandi tuzi ko ari imfungwa cyane cyane ko ari n'abaturage badakoresha munyarutsi.

    Ibyerekeye peji cyangwa urubuga, nabyo ntimubivugaho kandi ari ngombwa. Urwo rubuga cyangwa peji tubyite ngo iki?

    ReplyDelete
  14. Ngenekereje ku izina iyo peji twayita Tabaza urangurure hanyuma ikaba yometse kuri Shikama kuburyo ufunguye shikama bitakugora kubona iyo TABAZA URANGURURE cg ukundi kose yakwitwa. Ikindi cyo kwirinda kugwa mu mutego wa rpf twahera uyu munsi dusubira inyuma tureba uwo ariwe wese wakozweho n'akarengane, akazira ubusa kuko hari n'abandi bashobora kwihisha muri iyi gahunda bakazana abanyabyaha rwimbi kugirango banduze iyi gahunda ntavangura rigomba guhabwa intebe muri iki gikorwa.


    NB:Ni igitekerezo ntanze si ihame.

    ReplyDelete
  15. Mwiriwe ?

    Iki gitekerezo ni Rudasumbwa,Ndabashimiye abagishyize ahagaragara.Nibura kuri iyo page hari igihe umuntu yamenya n'amakuru yabo yari yaraburiye irengero nibindi....

    Dore uko byakorwa: kuri iyo page,Titre ijyanye n'ubwicanyi bwakozwe iherekejwe na effectif total yabo bwahitanye;wakanda kuri ya Titre hagafunguka amazina yose,imyirondoro yaburi zina n'uko byagenze(ahantu,igihe,italiki,....);kandi hagasobanurwa amazina yabishe bishoboka.

    Numva rwaba urubuga rwihariye:Kugirango bizumvikane mumatwi y'abantu bose ko hafunguwe urubuga rwabo rpf yishe!

    Bitabaye ibyo bigashyirwa mu ipaji ya Sikakama,hari igihe byakwitiranywa bityo ntibishiture abantu bakekako ari ibisanzwe.

    Dore izina ry'urubuga :"Itsembatsemba rya FPR".

    Numva rwashyirwamo amazina y'abishwe bose bazira ubusa nkuko bizwi ariko uhereye ku italiki n'umwaka fpr yafatiyeho ubutegetsi n'igisirikari cyayo(kuva Nyakanga 1994 kugeza ibuvuyeho);bitabaye ibyo tugashyiraho amatariki yambere yaho rpf yakwigira nyoni nyinshi ibeshyera abandi.

    Numva kuri urwo rubuga hafungurwaho ipaji "special" ivuga noneho kubwicanyi bwa rpf n'ingabo zayo guhera 1/10/1990 kugeza muri Nyakanga 1994.

    ReplyDelete
  16. Murakoze Dr Joseph, njyewe numva urubuga rwakoreshwa ari urunguru rwa Shikama ahubwo hagashyirwaho paji/link ugitangira mbere yo kugera ku nkuru yasotse. Aho akaba ariho umuntu yafungura akabasha gushyiramo ayo makuru.Gusa dushobora kubona amakuru make cyane kuko abanyarwanda benshi ntibagera kuri internet Kigali ibeshya ngo abanyarwanda hafi ya bose barayifite.Dukeneye abantu muri buri mudugudu n'akagari bakwiyemeza gukusanya aya makuru mu rwego rwo gushyira ku karubanda FPR. Naho ibyo gupfa byo, abanyarwanda FPR iri kutwica amanywa n'ijoro. Urupfu rugezweho ubu ni abantu bari gushirira kwa muganga kubera mituelle ya Jeannette Kagame itaratanzwe cyangwa itaratangiwe igihe. Ikiriho ni uko buri bitaro byo mu Rwanda bifite imfungwa za mutuelle n'ibitaraza nimubitege amaso bizaza. Igihugu cyuzuye imiborogo kubera akarengane, ubugome, ubwambuzi FPR iri gukorera abanyagihugu.Ikindi nasabagako mwakoraho icyegeranyo ni iki:"Gukusanya ibimenyetso by'ubwicanyi bwa FPR kuko bigaragara ko ibyo yakoze kandi ikora ari Jenocide mu rwego rwo kuyijyana mu nkiko mpuzamahanga"ikabiryozwa.

    ReplyDelete
  17. Erega n'ubundi niba tudahagurutse n'ubundi turakomeza kugenda uruhongohongo. Nonese uriya muganga warashwe we ibye murumva byoroshye gute imuntu mu rwanda yaza akarasa undi akamwica atari IS-RPF ko nta wundi mutwe w'iterabwoba tuzi mu rwanda? Ikindi hari umunyamakuru witwa John nawe waburiwe irengero amaze ukwezi akaba yari muramu wa Joel Mutabazi uwo nawe niba atarasanga abakurambere muri rweru ntawamenya ibye. Turavahe ?turajya he? Ko niba tudahagurutse IS-RPF itimaramo umwuka.

    ReplyDelete
  18. Ndabashimiye mwese mwatanze uyu muganda. Intwari ni mwe si Agatsiko k'amabandi yitwaje intwaro.

    Nasesenguye ibitekerezo byiza cyane mwatanze mwese, nsanga ZUBEL yasubije bya bibazo nabajije byose: dutangire kubara ryari? twite gute urubuga, cyangwa peji, n'ibindi.

    Noneho nimureke twese twigire hamwe kiriya gitekerezo cya ZUBEL. Buri wese nagisome atange icyifuzo cyanganira biriya Zubel avuga.
    Murakoze

    ReplyDelete
  19. Murakoze cyane ku bitekerezo mwese mwatanze. Nkusi we iki gitekerzo ni cyiza pe kandi bizatuma nabatari bafite uburenganzira bwo kwibuka ababo bashira agahinda.Noneho rero muti byakorwa gute njye ndabona hafungurwa urubuga rwihariye mwagenera iki gikorwa kikagira title yihariye ndetse hakajyaho namafoto yizo nzirakarengane kuva 1/10/1990 ubwo ayo mabandi yaramaze kunoza umugambi wo guhindura u Rwanda indiri yazo.Naho kuri shikama abenshi ntekereza nyuma y'igihe gito batakongera gushiturwa niyo title dore ko amakuru yanyu yaguhuza no gufungura wabibonye.Dukomeze rero tunoze umugambi w'uburyo byagerwaho maze dutamaze izo nyangabirama. Nkusi we erega urugamba watangije rurenda kugera kuntsinzi si mvuze ngo ni ejo cg ejo bundi ariko bitinde bitebuke u Rwanda mu minsi iri mbere abana barwo bazasaangira bike bafite mu mahoro. Ni ukuvuga ko mu gihe twese twaharaniye kuba abo tugomba kubabo bizarangira amabandi aciriwe urubanza maze u Rwanda rwongere kuba ingobyi iduhetse hadashingiye ku moko, ku butoni ubwo ari bwose,maze nawe n'abandi mwongere kugira uburenganzira i wanyu.

    ReplyDelete
  20. Ikindi kibazo mu gihe dukomeje kuganira kuri kiriya gitekerezo cya Zubel.Mu rwego rwo gusiba ibimenyetso Rupfu(RPF) yahinduye amzina y'ahantu hose. Akagari kasimubye segiteri, umurenge usimbura komine, perefegotura isimburwa n'Akarere, hejuru yabyo byose hakaba Province!
    Tuzakoresha amazina ya Rupifu: akagari, umurenge, ---- provinve(intara) cyangwa tuzakoresha inyito za Republika: segiteri, komine, perefegitura ?

    Ibi mubitekrezo cyane kandi mubishakire komanteri nyinshi, kuko ni ibintu bikomeye mu bushakashatsi mugiye gukora.

    ReplyDelete
    Replies
    1. Ndagushimiye urebye kure pee! Tutabinyujije mu mazina ya Repuburika nyayo twaba dukoze sakirirego kuko hari abanyarwanda batazi ibyo byazanywe na rupfu rutumaze kandi byabafasha ndumva rero hakoreshwa amazina gakondo noneho hakongerwaho ngo ahabatijwe cg ahahinduwe byaterwa n'uburyo dushaka kubisobanura.

      Ikindi kintu tugomba kwirinda ni amarangamutima muri iki gikorwa twirinde kwihimuraniraho ndabinginze.Nonese nitubyita genocide tuzaba dukurikije ubusobanuro bwayo? Kuko rupfu ikorera amahano yayo mu moko yose amadini yose uturere twose ndetse no ku isi yose none murumva bitabangamira iki gikorwa tubyise genocide mureke dutekereze ntiduhubuke kandi ndashishikariza buri wese kongera gusoma igitekerezo cya ZUBEL kugirango tucyunganire cg tugishyire mu bikokorwa kuko cyagaragaye ko cyaba gifite ibisubizo by'ibibazo hafi ya byose byibazwaga.

      Murakoze muhorane ubutwari.

      Delete
  21. Murakoze bwana Nkusi
    ku giti cyanjye ndumva twakoresha inyito za repubulika kuko gukoresha inyito za kalinga ya 2 ninko kubatiza umurindi mu guhisha ibimenyetso. Urugero rwa hafi Byumba hari igice cyagiye iburasirazuba.

    ReplyDelete
  22. Mukomere bashakashatsi basomyi bavandimwe,
    Uyu niwo munsi wa nyuma wo gutanga ibitekerezo kuri uyu mushinga!
    Utagitanga none aracikanywe!

    ReplyDelete
  23. Muraho mwese.
    Mumbabarire kuba ntanze igitekerezo ntinze maze iminsi mpuze.

    Mu byukuri nasomye iki gitekerezo nsanga ari cyiza rwose ahubwo mpita nibuka ko hari urundi rubuga deja rusanzwe rwandikwaho ayo makuru y'abishwe na FPR ku buryo rwakunganira cyane iyo page dushaka gukora. Urwo rubuga rwitwa:

    http://www.rwandavictimesoubliees.com/

    Ikindi mbona uburyo urwo rubuga rwubatse byafasha shikama kubaka iyo page kuko hariho ahandikwa amakuru menshi ashoboka kuri buri nzirakarengane yishywe na Fpr na Kalinga yayo.
    Mwasura urwo rubuga mugatanga ibitekerezo

    ReplyDelete
  24. @ Nkusi ndumva murigutinda mumagambo, muyasubira nkabantu mushaka guta igihe. Wowe kingira page kuri shikama maze ivuga amazina yabishwe na Karinga ya FPR, nkuko manzi abivuga. Ibindu abantu bagenda babihindura buhoro buhoro.

    cyangwase fungura urundi rwihariye ruvuga kuribyo, gusa ariko ujye urwamamaza kuri Shikama. Ikintu ndashigikira nuko umuntu wese yajya yiyandikiraho uko ashaka. Inyandiko yose yizina iryariryo ryose ikwiriye kukunyura ukayishungura wasanga idashitse ukayanga cyangwa ukayikosora.

    ReplyDelete
  25. Ruriya rubuga ndarusomye nsanga rwaba rudakora kugeza magingo aya kuko ruriho abantu batarenga 65 .Nonese ibi byaba ari ukuri ikindi nibajije gute wakwibuka GAPYISI EMMANUEL ukibagirwa BUCYANA MARTIN?Ikindi rwubatse neza ariko ntirutanga amakuru neza kandi ntiruha abanyarwanda rugari kuberako niba rwanditse mu gifaransa biba bibaye ibindi. Icyo mbona ni uko rwakwifashishwa harebwa ibituzuye byirengagijwemo kugirango urubuga runogere buri wese. Naho ubundi niba ari abantu65rupfu imaze kwirenza byaba ari amahire.

    ReplyDelete
    Replies
    1. Nanjye nibyo navugaga ko rwakwifashishwa kuko ikigaragara ni uko rudakora. Ikindi nanone page shikama yakora (twa)yanatekereza uburyo (tu)iyamamaza mu banyamahanga batazi ikinyarwanda mu rwego rwo guhangana n'ikinyoma cya FPR.

      Delete

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355